2.3 C
Grindavik
27. janúar, 2023

Hafþór Júlíus og Eddie Hall skyrptu á hvorn annan – „Fokking snertu mig og ég mun bíta af þér nefið“

Skyldulesning

Kraftlyftingamaðurinn og leikarinn Hafþór Björnsson mun mæta Eddie Hall í bardaga um helgina. Mikið hefur verið fjallað um slag þeirra í fjölmiðlum erlendis og ljóst er að eftirvæntingin er mikil. Þá virðist einnig vera sem gífurlegur rígur sé á milli þeirra tveggja en það sést hvað best í myndbandi sem hefur vakið mikla athygli í dag.

Í myndbandinu sem um ræðir má sjá þá Hafþór og Eddie mætast en það líður ekki langur tími áður en þeir fara að feyka fúkyrðum í hvorn annan. „Fokking snertu mig og ég mun bíta af þér nefið,“ heyrist Eddie segja við Hafþór í myndbandinu.

„Komdu út og ég mun rífa af þér fokking hausinn,“ segir Eddie svo. Hafþór svarar fúkyrðum Eddie í sömu mynt en við það skyrpir Eddie í áttina að Hafþóri. Í kjölfarið skyrpir Hafþór í áttina að Eddie.

@SuppressedSikh Thor vs Eddie Hall first face-to-face 💀 pic.twitter.com/czbxONjrqj

— Sam (@roathy_) March 13, 2022

Ekki stoltur af því að hafa skyrpt til baka

Hafþór ræddi atvikið á YouTube rás sinni en þar segir hann að Eddie hafi óvænt mætt á æfingasvæðið sitt. „Ég hafði ekki hugmynd um að þetta væri að fara að gerast, það er augljóst að Eddie var að skipuleggja þetta,“ segir hann.

„Ég skyrpti til baka, ég er ekki stoltur af því en adrenalínið var svo mikið og það kom mér á óvart að hann skyldi gera eitthvað svona ógeðslegt. Þrátt fyrir það náði ég að halda mér nokkuð rólegum miðað við aðstæður.“

Þá segist Hafþór vera spenntur fyrir því að slást við Eddie á laugardaginn svo þeir geti klárað þetta „fyrir fullt og allt“ án þess að það verði að einhverjum „ógeðslegum götuslag“.

spot_img
spot_img
spot_img

Innlendar Fréttir