5 C
Grindavik
8. mars, 2021

Håland kominn með fleiri Meistaradeildarmörk en Ronaldo og Zidane

Skyldulesning

Fótbolti

Erling Håland fagnar eftir að hafa komið Borussia Dortmund yfir gegn Club Brugge í Meistaradeild Evrópu í gær.
Erling Håland fagnar eftir að hafa komið Borussia Dortmund yfir gegn Club Brugge í Meistaradeild Evrópu í gær.
getty/Nico Vereecken

Þrátt fyrir að vera aðeins tvítugur og bara búinn að spila tólf leiki í Meistaradeild Evrópu er Erling Håland kominn með fleiri mörk í keppninni en nokkrir af bestu fótboltamönnum allra tíma.

Håland skoraði tvívegis í 3-0 sigri Borussia Dortmund á Club Brugge í Meistaradeildinni í gær. Hann er markahæstur í keppninni á þessu tímabili með sex mörk.

Norðmaðurinn hefur alls skorað sextán Meistaradeildarmörk, fleiri en leikmenn á borð við Ronaldo hinn brasilíska og Zinedine Zidane. Þeir skoruðu báðir fjórtán Meistaradeildarmörk á sínum tíma.

Meðal annarra þekktra kappa sem hafa skorað minna en Håland í Meistaradeildinni þrátt fyrir að leika miklu fleiri leiki má nefna Miroslav Klose, Michael Owen, Carlos Tévez, Christian Vieri og David Villa.

Cristiano Ronaldo og Lionel Messi eru langmarkahæstir í sögu Meistaradeildarinnar með 132 og 118 mörk. Håland hefur samt byrjað betur í keppninni en þeir báðir.

Håland skoraði fernu í 2-5 sigri Dortmund á Herthu Berlin um helgina. Hann er næstmarkahæstur í þýsku úrvalsdeildinni með tíu mörk, einu marki minna en Robert Lewandowski hjá Bayern München.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

Innlendar Fréttir