-1 C
Grindavik
30. nóvember, 2020

Handalögmál á æfingu Arsenal

Skyldulesning

Enski boltinn

Það voru læti í kringum Luiz og Ceballos á æfingu Arsenal í síðustu viku.
Það voru læti í kringum Luiz og Ceballos á æfingu Arsenal í síðustu viku.
James Williamson/Getty

Það var hiti í mönnum á æfingu Arsenal á föstudaginn var. David Luiz og Dani Ceballas var heitt í hamsi og lentu í handaáflogum.

The Athletic greinir frá þessu en þeir leikmenn sem ekki voru með landsliðum sínum spiluðu æfingaleik á föstudaginn. Skipt var í tvö lið og spilað.

Það gekk ekki betur en svo að Ceballos á að hafa tæklað varnarmanninn Luiz illa. Eftir kampinn lét Luiz miðjumanninn heyra það og endaði á því að slá hann í höfuðið.

Ceballas féll til jarðar blóðugur áður en hann steig aftur á fætur og ætlaði að hjóla í Luiz. Liðsfélagarnir voru þó fljótir til og stöðvuðu slagsmálin.

Mikel Arteta, stjóri Arsenal, sendi svo leikmennina báða heim en er leikmennirnir snéru til baka á æfingar Arsenal í þessari viku eiga þeir að hafa beðist afsökunar á framferði sínu.

Arsenal spilar við Leeds á útivelli á sunnudaginn.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

Innlendar Fréttir