2.3 C
Grindavik
27. nóvember, 2021

Hand­tekinn fyrir að slá leigu­bíl­stjóra

Skyldulesning

Innlent

Lögregla þurfti meðal annars að hafa afskipti af ölvuðu fólki í gærkvöldi og nótt og kanna með grunsamlegar ferðir á Seltjarnarnesi.
Lögregla þurfti meðal annars að hafa afskipti af ölvuðu fólki í gærkvöldi og nótt og kanna með grunsamlegar ferðir á Seltjarnarnesi.
Vísir/Vilhelm

Ölvaður maður var handtekinn af lögreglunni á höfuðborgarsvæðinu í nótt eftir að hafa slegið leigubílstjóra.

Maðurinn neitaði svo að gefa upp nafn sitt þegar lögregla hafði afskipti af honum og var hann vistaður í fangaklefa þar til ástand hans batnar, að því er segir í dagbók lögreglu.

Laust fyrir klukkan ellefu í gærkvöldi var tilkynnt um grunsamlegar mannaferðir á Seltjarnarnesi en enginn var sjáanlegur þegar lögregla kom á vettvang.

Þá komu tvö útköll á svæði lögreglunnar í Kópavogi og Breiðholti með mínútu millibil skömmu eftir klukkan tíu í gærkvöldi. Annars vegar var tilkynnt um ölvaða stúlku á bókasafni sem fór sína leið eftir samtal við lögreglu.

Síðan barst tilkynningu um eld í bifreið en greint var frá því á mbl í gærkvöldi að upp hefði komið eldur í bíl við Smáralind. Bíllinn er gjörónýtur en samkvæmt dagbók lögreglu eru eldsupptök ókunn og málið í rannsókn.

Skömmu eftir klukkan fjögur í nótt barst lögreglu svo tilkynning um einstakling með stungusár á handlegg. Grunur er um sjálfskaða og var viðkomandi fluttur á bráðamóttöku Landspítalans.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

spot_img
spot_img
spot_img

Innlendar Fréttir