10.3 C
Grindavik
29. september, 2022

Hann verður fyrirliðinn okkar áfram

Skyldulesning

Harry Maguire er fyrirliði Manchester United og verður það áfram …

Harry Maguire er fyrirliði Manchester United og verður það áfram að sögn knattspyrnustjórans. AFP

Ralf Rangnick, knattspyrnustjóri Manchester United, segir að enginn fótur sér fyrir fréttum enskra fjölmiðla um að til standi að svipta Harry Maguire fyrirliðastöðunni hjá liðinu.

Rangnick var spurður út í þetta á fréttamannafundi í dag en hann býr lið sitt undir að mæta Leeds á Elland Road á sunnudaginn.

„Þetta er tóm vitleysa. Ég hef ekkert rætt við leikmennina um fyrirliðastöðuna, það hefur aldrei verið neitt vandamál í mínum augum. Harry er fyrirliðinn okkar og verður áfram fyrirliðinn okkar,“ sagði Rangnick.

Hann sagði ennfremur að fréttir eins og þessar hefðu engin áhrif á sig. „Nei, alls ekki, ég læt þær ekki hafa nein áhrif á mig því ég veit að þær eru rangar. Ég leiði allt svona hjá mér því mín einbeiting fer í að undirbúa liðið. Ég hef heyrt af sumu sem hefur verið skrifað, og það voru vissulega leikmenn í okkar hópi óánægðir í lok félagaskiptagluggans. Það hefur breyst og andrúmsloftið í hópnum er betra en það var fyrir nokkrum vikum. Þetta snýst allt um að spila  vel og sýna samstöðu á vellinum. Því getum við stjórnað sjálfir,“ sagði Ralf Rangnick.

spot_img
spot_img
spot_img

Innlendar Fréttir