4 C
Grindavik
25. febrúar, 2021

Harður árekstur á Kringlumýrarbraut

Skyldulesning

Innlent

Annar bíllinn lenti á ljósastaur. Báðir bílar eru mikið skemmdir.
Annar bíllinn lenti á ljósastaur. Báðir bílar eru mikið skemmdir.
Vísir/Vésteinn

Harður árekstur tveggja bíla varð á gatnamótum Suðurlandsbrautar og Kringlumýrarbrautar á tólfta tímanum í dag. Einn verður fluttur slasaður á slysadeild og verið er að aðstoða annan úr bílnum, samkvæmt upplýsingum frá slökkviliðinu á höfuðborgarsvæðinu.

Myndir af slysstað sýna að annar bíllinn hafnaði upp á umferðareyju og á ljósastaur. Þrír sjúkrabílar og einn dælubíll voru sendir á staðinn.

Samkvæmt upplýsingum frá slökkviliði voru ökumenn einir í báðum bílunum. Viðbragðsaðilar munu vinna á vettvangi næsta hálftímann hið minnsta og viðbúið að tafir verði á umferð eftir því.

Sjúkrabílar og dælubíll voru sendir á vettvang.Vísir/Vésteinn
Frá vettvangi á horni Suðurlandsbrautar og Kringlumýrarbrautar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

Innlendar Fréttir