2 C
Grindavik
28. nóvember, 2020

Hefur fengið frí til að jafna sig – Náinn vinur tók eigið líf

Skyldulesning

Mason Greenwood sóknarmaður Manchester United hefur fengið frí frá æfingum síðustu daga til jafna sig eftir áfall. Vinur hans svipti sig lífi á dögunum aðeins 17 ára gamall.

Ole Gunnar Solskjær stjóri Manchester United ætlar að passa upp á að Greenwood komi sér hægt og rólega af stað eftir erfiða tíma. Hann hefur fengið slæma útreið í fjölmiðlum eftir að hafa verið rekinn úr enska landsliðinu í Reykjavík, eftir brot á sóttvarnarreglum.

„Stundum þarftu að taka skref til baka, drengurinn er aðeins 19 ára gamall og hefur átt frábært ár. Ef þú ferð ár aftur í tímann þá sérðu hversu vel honum hefur vegnað,“ sagði Solskjær.

Mason fagnaði á dögunum og tileinkaði vini sínum markið.

Getty Images

„Hann spilaði sinn fyrsta landsleik, skoraði í fyrsta leik með U21, hann hefur þroskast frábærlega. Auðvitað eru fyrirsagnirnar um það þegar hann skorar ekki eða spilar ekki.“

Mason hefur upplifað erfiða tíma eftir að Jeremy Wisten vinur hans svipti sig lífi, hann hafði verið í herbúðum Manchester City.

„Það er eðlilegt að líða ekki vel og þegar þér líður ekki vel þá æfir þú ekki. Hann fékk að fara aðeins í burtu, hann fékk 9 daga frí frá æfingum. Við erum að byggja hann upp aftur, ég hef engar áhyggjur af honum.“

„Hann er með sterkan haus og hæfileikarnir eru til staðar.“

Enski boltinn á 433 er í boði

Innlendar Fréttir