8 C
Grindavik
15. apríl, 2021

Heil­brigðis­ráðu­neytið sam­þykkir undan­þágu­beiðnir KKÍ og HSÍ

Skyldulesning

„Nú fyrir skömmu samþykkti Heilbrigðisráðuneytið þá undanþágubeiðni sem KKÍ sendi inn vegna æfinga liða í 1. deildum karla og kvenna, sem er mikið fagnaðarefni,“ segir í tilkynningu KKÍ.

KKÍ og HSÍ hafa unnið hörðum höndum ásamt ÍSÍ með það að markiði að setja upp mjög skýrar sóttvarnarreglur um æfingar aðildarfélaga sambandsins. Reglurnar eru grundvöllur þess að hægt sé að hefja æfingar að nýju.

Bæði sambönd leggja mikla áherslu á að þjálfarar, leikmenn og aðrir einstaklingar er koma að liðunum sýni ábyrgð og gæti sérstaklega að eigin sóttvörnum. 

Tilgreint er í ákvæðinu að hámarksfjöldi í hverju rými sé 25 manns og að sameiginleg búningsaðstaða skuli lokuð. Þá skulu sameiginleg áhöld sótthreinsuð a.m.k. tvisvar á dag, loftræsting skal vera í lagi og loftað reglulega út yfir daginn.

Sá hópur er saman komi hvert sinn er ávallt sá sami, engin blöndun sé við aðra hópa innan íþróttafélagsins og ótengdir aðilar komi ekki inn á æfingar. Hópur á afreksstigi sé því alltaf sá sami og blandist ekki öðrum við sína íþróttaiðkun.

Sérstök viðmið eru í leiðbeiningunum að þeir sem komi að þessum hópum skuli fara varlega, forðast mannmarga staði og halda sig almennt til hlés.

HSÍ hafi sett skýrar sóttvarnarreglur í samvinnu við ÍSÍ sem skilyrði fyrir æfingum og keppni, eins og tilefni hafi verið til hverju sinni. Aðildarfélögum HSÍ sé gert að fylgja þeim reglum til að tryggja sóttvarnir eins og best verður við komið.

Leikmenn, þjálfarar og aðrir sem koma að æfingum liða á þessu stigi þurfa að sýna mikla ábyrgð, því það eru forréttindi að fá að æfa handknattleik við þær aðstæður sem eru í þjóðfélaginu. Sérstaklega mikilvægt er að leikmenn og þjálfarar fylgi þeim leiðbeiningum sem er að finna í reglunum um daglegt líf utan æfinga og keppni.

Innlendar Fréttir