1.3 C
Grindavik
27. nóvember, 2021

Héldu óvænt partý fyrir einstakling í sóttkví – Síðan greindist hann smitaður

Skyldulesning

Fólk á Íslandi hélt partý fyrir vin sinn sem var að koma til landsins frá útlöndum. Þessi setning væri alla jafna ekki fréttnæm en vegna faraldursins er hún það svo sannarlega. Þegar fólk kemur til landsins þarf það að fara í heimkomusóttkví en þetta partý sem um var að ræða var haldið óvænt fyrir einstaklinginn þegar hann átti að vera í sóttkví.

Þetta kemur fram í viðtali RÚV við Rögnvald Ólafsson, aðstoðaryfirlögregluþjón. „Við höfum dæmi um einstakling sem var að koma til landsins og var að taka út sína fimm daga sóttkví og honum var haldið óvænt heimkomupartý. Síðan reyndist hann jákvæður í seinni skimun fimm dögum síðar,“ sagði Rögnvaldur við RÚV.

„Það voru allir svo glaðir að fá viðkomandi heim, sem er náttúrlega bara eðlilegt, en ekki í samræmi við þær reglur sem eru í gildi,“ segir Rögnvaldur enn fremur en nokkrir þeirra sem voru í partýinu eru nú komnir í sóttkví. „Það setti alla í erfiða stöðu,“ segir Rögnvaldur og hvetur fólk í leiðinni að fresta samkomum. Hann segist hafa áhyggjur af því að fólk sé að hittast of mikið. Þá telur hann að smitin sem hafa verið að greinast undanfarið utan sóttkvíar séu komin eftir samkomur helgarinnar.

spot_img
spot_img
spot_img

Innlendar Fréttir