7.4 C
Grindavik
23. júní, 2021

Heyrði öskrin í fjölskyldunni sinni allan tímann á ógleymanlegu kvöldi

Skyldulesning

Sara Sigmundsdóttir stimplaði sig inn í hóp bestu CrossFit kvenna í heiminum með eftirminnilegum hætti undir flóðljósum á föstudagskvöldi á sínum fyrstu heimsleikum. Hún hefur nú rifjað upp þetta magnaða móment.

Sara Sigmundsdóttir sagði frá því í viðtali á dögunum að uppáhalds mómentið sitt á ferlinum væri ákveðin grein á heimsleikunum árið 2015. Sara gerði gott betur og fór yfir þessa ógleymanlegu grein í pistli á Instagram.

„Það er svo margt sem gerir þetta að uppáhaldsmómentinu mínu á ferlinum til þessa og ég man eftir þessu eins og þetta hafi gerst í gær,“ byrjaði Sara pistil sinn.

„Að vera að keppa á heimsleikunum undir flóðljósunum á Tennis leikvanginum á föstudagskvöldi var algjör draumur að rætast fyrir mig en um leið svolítið fjarstæðukennd upplifun,“ skrifaði Sara.

„Ég var að keppa í kringum þær bestu í heimi og ég gat ekki gert af því að bera mikla virðingu fyrir þeim og finnast ég ekki alveg eiga heima þarna. Það var hins vegar í þessari grein sem ég áttaði mig endanlega á því að ég var ein af keppendunum en ekki einhver sem slysaðist til að vera þarna,“ skrifaði Sara.

Sara lýsir greininni sem hét „Heavy DT“ og var fimmta greinin á öðrum degi. Hún segist hafa mætt yfirveguð til leiks og fann ekki fyrir neinni pressu.

„Ég var nýliði, var búinn að ákveða hvernig ég ætlaði að gera þetta og ætlaði bara að gera mitt besta,“ skrifaði Sara og fór yfir greinina í pistli sínum.

Sara vann ekki bara greinina heldur hreinlega rústaði henni. Hún kláraði æfinguna á 8 mínútum og 25 sekúndum og var næstum því einni mínútu á undan Katrínu Tönju Davíðsdóttur sem var númer tvö. Eftir að sigurinn var í höfn þá lýsti lýsandinn yfir: „Það er ný íslensk CrossFit drottning fædd á leikunum.“

Sara komst í leið upp í fyrsta sæti í heildarkeppninni en varð á endanum að sætta sig við þriðja sætið á eftir þeim Katrínu Tönju og Tiu-Clair Toomey. Sara komst líka á verðlaunapallinn árið eftir en hefur ekki komist þangað síðan.

„Fjölskylda mín og vinir sátu fyrir framan mína braut. Þau voru að veifa íslenska fánanum og öskruðu mig áfram. Ég sá þau og heyrði öskrin í þeim allan tímann á meðan ég gerði æfinguna. Það gerði þetta enn sérstakara fyrir mig að ég gat unnið mína fyrstu grein á heimsleikunum fyrir framan þau,“ skrifaði Sara en það má sjá allan pistil hennar hér fyrir neðan.


Tengdar fréttir


Sara Sigmundsdóttir rifjaði upp sína eftirminnilegustu grein á heimsleikunum og það var stundin þegar ný íslensk CrossFit drottning fæddist eins og lýsandinn komst að orði.


Íslenska CrossFit konan Sara Sigmundsdóttir segist ekki alveg geta kallað sig vegan en en hún lifir samt 80 til 85 prósent á plöntufæði.


Heimsmeistarinn í formúlu eitt á sér mikinn aðdáenda í einni stærstu stjörnu CrossFit íþróttarinnar. Sara Sigmundsdóttir felur ekki aðdáun sína á sjöfalda heimsmeistaranum Lewis Hamilton.


Sara Sigmundsdóttir ákvað að yfirgefa einn þekktasta íþróttavöruframleiðanda heims og semja í staðinn við eitt af nýju fyrirtækjunum á markaðnum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

spot_img
spot_img
spot_img

Innlendar Fréttir