Miklar áhyggjur eru hafðar af Sykurpabba vegna ófagnaðar sem rekja má til slælegs uppeldis á Verpanum. Mikil ólæti hafa heyrst í pökkun sem fengið hafa hárin til að rísa á skallanum á honum. Og er tímaspursmál hvernær hann dettur aftur í gamla lífið vegna þessa.

Heyrst hefur að Baaderunginn hafi ekki fest svefn allan túrinn vegna stressins sem fylgir nýju stöðunni

—— o ——

Samkvæmt heimildum uppljóstrarans Ígors hafa verið tíð vatnsstríð á stýrimannsvaktinni. Heimildir herma að rætur þessara stríða eigi öll upptök sín til eins manns sem gengur undir nafninu Baaderunginn. Talið er að biturleiki vegna viðskila við Keisarafjölskylduna eigi þar sök á. Dælan hefur gengið á Gay Pride gæjann sem hefur óspart svarað í sömu mynt. Ýmsir hafa dregist inní stríðið þar á meðal Benjamino öðru nafni Benji, sem þaggaði strax nipur í Gay Pride gæjanum. Mildi þykir að Goldie Lee skyldi hafa sloppið lifandi undan hrömmunum á Smokey Colaman í einni þessara viðureigna. Er það mál manna er viðstaddir voru atburðinn, að Smokey hafi “snappað” og ætlað virkilega að meiða hann (Gjörsamlega geðveikur)

Furðulegt þykir að í öllum þessum stríðum hefur Baaderunginn verið á vappi í nágrenninu, þótt ótrúlegt sé, brosandi út að eyrum! Er hann grunaður um niðurrifsstarfsemi. En það mál á eftir að rannsaka nánar að sögn Sykurpabba.

Frá neytendum!

Við Kókfíklarnir erum orðnir fullsaddir á þessu okri og einelti. Við heimtum lækkun á þessum unaðsdrykk sem nemur a.m.k. 15-20%. Við erum fíklar og þetta er okkar heroin. Við verðum að fá okkar skammt, Sem minnihlutahópur eigum við það ekki skilið að verið sé að níðast á okkur!

 

 

Að gefnu tilefni skal það tekið fram að efni sem er sent ritstjóra nafnlaust verður framvegis ekki birt þó svo að undantekning hafi verið gerð í þetta sinn!     

 

…aðsent 2003