2.3 C
Grindavik
27. janúar, 2023

Hjákona segir þetta fernt geta bent til þess að makinn sé þér ótrúr

Skyldulesning

Amy Kupps hefur ákveðið að helga ástarlíf sitt því að vera hjákona, eða með öðrum orðum þá á hún aðeins í ástarsamböndum við gifta menn. Hún hefur gert garðinn nokkuð frægan á samfélagsmiðlum eftir að hún steig fram á síðasta ári og sagðist kæra sig kollótta um það að hún sé að eyðileggja hjónabönd.

Hún nýtur einnig töluverða vinsælda á síðunni OnlyFans. Hún segist nú vera orðin öllum hnútum kunnug um framhjáhöld. Bæði í gegnum það að gerast ítrekað hjákona gifta manna sem og eftir að vera sjálf þolandi framhjáhalds.

„Eiginmenn eyða meiru í mig heldur en í konur sínar,“ segir hún. „Ég kýs frekar að fá reiðufé fremur en rándýrar gjafir- elskhugar mínir hafa svo gott sem borgað fyrir rúmlega 65 milljón króna húsið sem ég er að láta byggja fyrir mig“

Hún segist taka peninga frá elskhugum sínum og notar þá til að dekra við sjálfa sig og hún fái allt að 6,5 milljónir í gjöf á mánuði.

Amy segir eina meginástæðu þess að menn haldi framhjá vera það augljósa – kynlíf. Hún segir einnig að ef eiginmenn eru ótrúir þá sé það bara konum þeirra að kenna.

„Ótrúir menn eru frábærir í rúminu, fyrst og fremst út af því að þeir hafa verið ófullnægðir árum saman og eru tilbúnir að gera hvað sem er til að koma mér til. Þeir eiga það líka til að vera villtari. Ég leita gjarnan eftir mönnum sem eru á fertugs eða fimmtugsaldri þar sem þeir eru mun rómantískari, fjárhagslega sjálfstæðir og reyndir í bólinu.“

Amy skammast sín ekkert fyrir lífsstíl sinn, en ákvað þó að deila nokkrum merkjum sem konur geta verið vakandi fyrir ef þær telja að menn þeirra séu þeim ótrúir.

Afsakanirnar fjórar

1. „Ég er að hitta vin í kvöld í einn drykk, en ekki vaka eftir mér þar sem ég gæti verið seint á ferðinni.“ 

2 .„Ég er á fundum og/eða verð í vinnuferð alla vikuna“ 

Amy segir að með afsökun númer tvö sé mikilvægt að taka eftir þessu ef makinn hefur áður ekki mikið verið að ferðast vegna vinnunnar. Eins ef þeir væru að nýta almenna frídaga og segjast vera að á fundum eða í vinnuferðalagi þá séu líkur á að þeir séu að hitta aðrar konur.

3. „Ég var að fá mér nýtt greiðslukort en bara fyrir vinnuna svo ekki stressa þig á því.“

Amy segir að ef makinn noti þessa afsökun þegar þú finnur nýtt greiðslukort í veski hans þá sé það líklega kortið sem hann noti til í hjákonuna.

4. „Ekki hringja í vinnusímann minn – yfirmaðurinn minn verður reiður ef ég fæ persónuleg símtöl.“ 

Amy segir að það sé grunsamlegt ef makinn á vinnusíma sem hann geymi á sérstökum stöðum og banni makanum að hringja í. Það sé skýrt merki um framhjáhald.

spot_img
spot_img
spot_img

Innlendar Fréttir