5.4 C
Grindavik
18. maí, 2021

„Hörkuvinna en gaman þegar vel gengur“

Skyldulesning

Áhöfnin á Bárði SH-81 hefur mokfiskað í netin.

Áhöfnin á Bárði SH-81 hefur mokfiskað í netin.

mbl.is/Alfons

Pétur Pétursson og áhöfn hans á Bárði SH-81 halda áfram að mokfiska í netin. Í gær lönduðu þeir tvívegis, alls um 60 tonnum, sem fengust um hálftíma frá bryggjunni á Rifi.

Þeim var vel fagnað með páskaeggjum er þeir komu að landi síðdegis, eins og sjá má á myndinni. Yngsti Pétur Pétursson er á milli pabba síns og afa.

Í mars kom Bárður með um 1.150 tonn af óslægðu að landi og frá áramótum er aflinn um 2.250 tonn, 99% þorskur. Í mars í fyrra var aflinn tæp 1.100 tonn og á vertíðinni í fyrravetur, frá áramótum til 11. maí, var aflinn alls 2.311 tonn. Líklegt er að það met verði slegið fyrr en síðar. Bárður SH-81 kom nýr til landsins frá Danmörku í lok árs 2019 og er 23,6 metra plastbátur.

Pétur skipstjóri segir í Morgunblaðinu í dag að mars hefði verið einstakur, yfirleitt gott tíðarfar og góður afli.

spot_img
spot_img
spot_img

Innlendar Fréttir