3 C
Grindavik
1. desember, 2020

Hræðileg mistök – Sögðu Elísabetu II látna sem og fjölda annarra þekktra einstaklinga

Skyldulesning

Franska fréttastofan Radio France International gerði hræðileg mistök á mánudaginn. Þá birti hún minningargrein um Elísabetu II Bretadrottningu og sagði að drottningin væri látin, 94 ára að aldri. En Elísabet er ekki látin og við ágætis heilsu þrátt fyrir háan aldur.

Samkvæmt frétt Dagbladet þá var drottningin ekki eina fórnarlamb mistaka hjá Radio France International á mánudaginn því fréttastofan sagði einnig að rúmlega eitt hundrað aðrir þekktir einstaklingar væru látnir.  Þar á meðal voru Jimmy Carter, fyrrum Bandaríkjaforseti, sem er 96 ára, Brigitte Bardott, sem er 86 ára, og hinn níræði Clint Eastwood. Einnig var sagt að Ali Khamenei, trúarleiðtogi Írans, væri látinn.

Minningargreinar um fólkið voru birtar á mörgum heimasíðum fréttastofunnar og á síðum margra samstarfsaðila hennar, þar á meðal Google, Yahoo og MSN. Greinarnar voru fljótlega fjarlægðar og hefur fréttastofan beðist afsökunar á málinu og sagt að um tæknilega bilun hafi verið að ræða.

Innlendar Fréttir