7.3 C
Grindavik
24. október, 2021

Hugi hættir í The Mike Show – Umdeild ummæli féllu á dögunum

Skyldulesning

Hugi Halldórsson hefur sagt skilið við íþróttahlaðvarpið The Mike Show en Hugi var einn af þáttastjórnendum hlaðvarpsins. Hugi greindi frá þessu í færslu sem hann birti á Twitter-síðu sinni en undanfarið hefur mikið gustað um hlaðvarpið og umdeild ummæli úr því hafa verið harkalega gagnrýnd.

Takk fyrir mig Mike Show. Þetta var rússíbani. Meira og annað síðar 🙏

— Hugi Halldórsson (@hugihall) September 23, 2021

Það vakti mikla athygli fyrr í mánuðinum þegar styrktaraðilar The Mike Show sögðu skilið við þáttinn í kjölfar ummæla sem Hugi lét falla um Hönnu Björgu Vilhjálmsdóttur, framhaldsskólakennara og formann jafnréttisnefndar Kennarasambands Íslands. Hugi baðst innilegrar afsökunar á ummælunum sem um ræðir og vakti afsökunarbeiðni hans einnig mikla athygli.

„Undanfarið hefur samfélagsleg umræða opnað augu mín fyrir því hvernig raunveruleikinn er og hversu eitraður þessi heimur er. Þetta þarf að breytast. Við þurfum að endurhugsa allt það viðhorf sem mætir bæði stúlkum og drengjum í íþróttum,“ sagði Hugi til að mynda í afsökunarbeiðninni. „Ég stend alltaf með þolendum og fordæmi hverskonar ofbeldi. Heimurinn þarf að breytast, hann mun breytast og ég ætla að byrja á mér“

Lesa meira: Styrktaraðilar yfirgefa einn vinsælasta hlaðvarpsþátt landsins eftir umdeild ummæli – Hugi biðst afsökunar – „Mér urðu á mistök“

Nú á dögunum féllu svo önnur umdeild ummæli í þættinum en þau komu frá öðrum þáttastjórnanda The Mike Show, Sigurði Gísla Bond Snorrasyni, sem sagði að Edda Falak, þjálfari, áhrifavaldur og hlaðvarpsstjórnandi, væri lygasjúk.

„Ég komst að því að Edda Falak er leiðinlegasta manneskja á Íslandi og lygasjúk,“ sagði Sigurður í þættinum en síðan þá hefur mikið verið rætt um The Mike Show á samfélagsmiðlinum Twitter.

spot_img
spot_img
spot_img

Innlendar Fréttir