6.3 C
Grindavik
4. október, 2022

Hugmyndin á bakvið nýtt nafn, útlit og nýjan verðlaunagrip útskýrð – ,,Það þarf tíma til að melta þetta“

Skyldulesning

Björn Þór Ingason, sem ráðinn var af Íslenskum Toppfótbolta (ÍTF) til að gefa efstu deildum karla og kvenna á Íslandi nýtt nafn, útlit og fleira, var gestur í þættinum Íþróttavikan með Benna Bó á Hringbraut á föstudag.

Nafninu á efstu deildum karla og kvenna í fótbolta var á dögunum breytt í Besta deildin. Nafnið síðustu ár hefur verið Pepsi Max-deildin og þar áður Pepsi-deildin. Björn Þór leiddi hóp sem sá um að breyta nafninu, ásamt fleiru.

„Þetta er draumagigg, að fá að tvinna áhugamál og vinnu saman,“ sagði markaðsfræðingurinn Björn í þættinum.

Hann skoðaði sögu íslenskrar knattspyrnu og var valið á nafninu vel ígrundað. ,,Mín versta martröð var að mæta á sviðið með nýtt lógó og nafn, svo kæmi spurning um af hverju og ég: ,,af því þetta er bara flott eða eitthvað.“ Ég vildi að þetta ætti sterkari rætur í fótboltanum. Það voru Framarar sem unnu fyrsta opinbera knattleikinn á Íslandi. Svo kom einhver hugmynd á fundi hjá þeim að það yrði keppt um bikar að erlendum sið hérna heima og fóru að safna fyrir þessum bikar. Þeir vildu að handhafi þessa bikars bæri nafnbótina besta knattspyrnulið Íslands. Svo fer maður að skoða það aðeins í blaðagreinum og annað og það er miklu stærra en að verða Íslandsmeistari, að vinna nafnbótina, besta knattspyrnufélag Íslands.“

,,Við fórum í þessa undirbúningsvinnu, vorum að ræða við félögin. Félögin eiga þetta vörumerki svo það var nauðsynlegt að þau fengju að segja sína skoðun.“

En nafnið er ekki bara hentugt af sögulegum ástæðum. ,,Ef við horfum erlendis. Þetta skilst vel á Norðurlöndunum og í ensku. Ef við tölum um ,,betting“ fyrirtæki og annað. Ef þú ert með úrvalsdeildin eða Íslandsdeildin ertu kominn svolítið neðarlega (á síðunni). Þarna erum við ofarlega. Það er búið að fara í alls konar pælingar.“

Björn segist þjálfur hafa þurft tíma til að venja sig á nafnið. ,,Það tók góðan tíma hjá mér. Þannig ég skil alveg fólk. Það þarf tíma til að melta þetta.“

Auk breytingar á nafni þá verður Íslandsmeistarabikarnum verða skipt út fyrir skjöld. ,,Okkur langaði að gera eitthvað. Þetta er nýtt upphaf. Okkur langar að grafa alla sigurvegara frá upphafi á þennan skjöld,“ sagði Björn.

Hér fyrir neðan má sjá viðtalið við Björn í heild sinni. Þar kemur hann einnig inn á viðskiptahliðar deildarinnar, nýja sjónvarpsþætti og margt fleira.

video

spot_img
spot_img
spot_img

Innlendar Fréttir