3 C
Grindavik
28. febrúar, 2021

Hyggst njóta morgunkaffis með útsýni til Öræfajökuls

Skyldulesning

Hreiðar Hermannsson, eigandi Stracta Hótels á Hellu, er ekki aðeins að reisa hótel á eyðijörðinni Orustustöðum austan Kirkjubæjarklausturs. Hann er jafnframt að byggja einbýlishús þar sem hann hyggst eiga lögheimili.

Þaðan blasir fjallahringurinn við, allt frá Mýrdalsjökli í vestri til Lómagnúps, Skeiðarárjökuls og Öræfajökuls í austri, eins og sjá mátti í þættinum Um land allt á Stöð 2.

Hreiðar við austurgluggann í nýja húsinu.Einar Árnason

„Já, Öræfajökull í allri sinni dýrð. Þetta sést bara við morgunverðarborðið,“ segir Hreiðar um leið og hann sýnir okkur útsýnisgluggann í nýja húsinu.

Nýja íbúðarhús Hreiðars á Orustustöðum. Jörðin var búin að vera í eyði í um sjötíu ár.Einar Árnason

Hann stefnir á 200 herbergja hótel en einnig á fjölbreytta afþreyingarþjónustu, meðal annars í hestamennsku og í kringum vatnagarð sem byrjað er að grafa. Hann segir að öll áherslan verði á græna, sjálfbæra ferðamennsku, svo sem með skógrækt sem kolefnisjafni gestina.

Í þættinum lýsir hann áformum sínum og er spurður hvort peningar frá syninum, Hermanni Hreiðarssyni, séu að koma inn í verkefnið. Hér má sjá fjögurra mínútna myndskeið:


Tengdar fréttir


Skaftáreldum og Móðuharðindunum sem þeim fylgdu hefur verið lýst sem mestu hörmungum Íslandssögunnar. Talið er að fimmtungur þjóðarinnar hafi látist og 75 prósent af bústofni landsmanna fallið af völdum eldgossins í Lakagígum árin 1783-1784.


Volgt vatn undan heitu hrauni Skaftárelda í áratugi eftir að gosinu lauk flýtti fyrir landnámi gróðurs á svæði sem áður var svartur jökulsandur. Þetta segir Þóra Ellen Þórhallsdóttir grasafræðingur að hljóti að vera skýringin á því hversvegna ný sveit myndaðist ótrúlega fljótt á Brunasandi.


Orustuhóll er áberandi kennileiti í Skaftárhreppi sem blasir við frá hringveginum skammt austan við bæjahverfið Foss á Síðu. Brunahraun, en svo nefnist hraun Skaftárelda á þessum slóðum, umlykur hólinn á alla kanta.




Fleiri fréttir

Sjá meira

Innlendar Fréttir