2.3 C
Grindavik
27. nóvember, 2021

Í fýlu yfir að fá ekki „sitt“ sæti í liðsrútunni og hent úr hóp fyrir Meistaradeildarleik

Skyldulesning

Fótbolti

Emmanuel Dennis á ferðinni í fyrri leik Club Brugge og Borussia Dortmund í Meistaradeild Evrópu.
Emmanuel Dennis á ferðinni í fyrri leik Club Brugge og Borussia Dortmund í Meistaradeild Evrópu.
getty/Jef Matthee

Nígeríski framherjinn Emmanuel Dennis verður ekki með Club Brugge í leiknum gegn Borussia Dortmund í F-riðli Meistaradeildar Evrópu í kvöld.

Ástæðan fyrir fjarveru Dennis er æði sérstök. Hann fór nefnilega í fýlu vegna þess að hann gat ekki setið á sínum uppáhalds stað í liðsrútu Club Brugge vegna sóttvarnaráðstafana. Dennis rauk í kjölfarið í burtu.

Philippe Clement, knattspyrnustjóri Club Brugge, var ekki sáttur með þetta upphlaup Dennis og hann var skilinn eftir heima þegar belgísku meistararnir fóru til Þýskalands. Dennis á einnig von á sekt fyrir framkomu sína.

Clement vildi lítið tjá sig um málið annað en það að Dennis hefði ekki fylgt settum reglum og hafi því ekki verið valinn í hóp Club Brugge fyrir leikinn á Westfalen leikvanginum í kvöld.

Club Brugge er með fjögur stig í 3. sæti F-riðils Meistaradeildarinnar. Liðið tapaði fyrri leiknum gegn Dortmund fyrir tveimur vikum, 0-3.

Dennis, sem er 23 ára, kom til Club Brugge frá Zorya Luhansk í Úkraínu 2017.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

spot_img
spot_img
spot_img

Innlendar Fréttir