2 C
Grindavik
28. nóvember, 2020

Innbrotsþjófur handtekinn á vettvangi

Skyldulesning

Brotist var inn í hjólageymslu fjölbýlishúss í Austurbænum (hverfi 104) á fjórða tímanum í nótt. Innbrotsþjófurinn var handtekinn á vettvangi og gistir fangageymslur lögreglunnar.

Skömmu eftir miðnætti var tilkynnt um þjófnað á farsíma í Austurbænum (hverfi 108) en tjónþolinn hafði lánað manni símann til að hringja eitt símtal. Sá lét sig aftur á móti hverfa með símann. Vitað er hver símaþjófurinn er. 

Á fjórða tímanum í nótt var tilkynnt til lögreglu um eignaspjöll á veitingastað í Vesturbænum (hverfi 107) en þar hafði rúða verið brotin og öryggiskerfi farið í gang.

Lögreglan stöðvaði för ökumanns á Bústaðaveginum í nótt sem er grunaður um akstur bifreiðar undir áhrifum fíkniefna og ítrekaðan akstur sviptur ökuréttindum. 

Innlendar Fréttir