Innlit í ástarlíf Robert De Niro – Sjö börn með fjórum konum – DV

0
76

Robert De Niro er ekki aðeins stórleikari og Óskarsverðlaunahafi, heldur er hann einnig sjö barna faðir. Yngsta barn hans kom í heiminn á dögunum og greina erlendir miðlar frá því að móðir barnsins sé kærasta De Niro, Tiffany Chen. Parið hefur farið mjög leynt með samband sitt.

De Niro, 79 ára, á sjö börn með fjórum konum. Hann á tvö börn með leikkonunni Diahnne Abott, tvö með leikkonunni Toukie Smith og tvö með leikkonunni Grace Hightower og svo það yngsta eignaðist hann með bardagalistamaður og tai chi kennari Tiffany Chen.

Eiginkonur og börn De Niro í gegnum árin Robert De Niro ásamt Dreu De Niro og Diahnne Abott. Diahnne Abott hefur starfað sem fyrirsæta, leikkona, plötusnúður og framleiðandi í gegnum árin. Hún og De Niro giftust árið 1976 og ættleiddi leikarinn dóttur hennar úr fyrra sambandi, Dreu De Niro. Hún fetaði í fótspor föður síns og hefur getið sér gott orð í leiklistinni, meðal annars farið með hlutverk í kvikmyndunum Great Expectations og Joy.

De Niro og Abott eignuðust son í nóvember 1976, Raphael De Niro. Hann reyndi einnig fyrir sér í leiklistinni en er í dag fasteignasali.

Abott og De Niro skildu árið 1988 og seinna sama ár byrjaði leikarinn með Toukie Smith.

Toukie Smith og Robert De Niro. Áður en þau hættu saman árið 1996 eignuðust þau tvíburadrengi, Aaron og Julian árið 1995.

Aaron hefur haldið sig frá sviðsljósinu en Julian hefur reynt fyrir sér í leiklistinni eins og foreldrar hans.

Robert De Niro og Grace Hightower skildu eftir 20 ára hjónaband. Árið 1997 giftist hann Grace Hightower og þau skildu tveimur áratugum síðar, árið 2018.

Saman eignuðust þau tvö börn. Elliott, 25 ára, og Helen Grace, ellefu ára.

Who Is Robert De Niro’s Rumored Girlfriend? All About Tiffany Chen https://t.co/CvLG2nNQtk

— People (@people) May 9, 2023

Eins og fyrr segir hefur leikarinn verið mjög góður að halda einkalífi sínu úr sviðsljósinu og kom það því mörgum á óvart að hann væri orðinn faðir aftur.

Samkvæmt erlendum miðlum hafa De Niro og Chen verið að slá sér upp síðan 2021.