Inter fer með frábæra stöðu í seinni leikinn gegn nágrönnum sínum – DV

0
85

AC Milan og Inter áttust við í borgarslag í undanúrslitum Meistaradeildar Evrópu í kvöld. Um fyrri leik liðanna var að ræða.

Inter átti draumabyrjun því Edin Dzeko kom þeim yfir strax á 8. mínútu leiksins með góðu skoti.

Staðan varð enn betri aðeins þremur mínútum síðar þegar Henrikh Mkhitaryan skoraði annað mark Inter.

Inter hélt bara áfram eftir þetta og var líklegra til að bæta við þriðja markinu en Milan að jafna.

Eftir hálftíma leik fékk liðið þá vítaspyrnu þegar Lautaro Martinez fór niður í teignum eftir viðskipti við Simon Kjær. Með hjálp myndbandsdómgæslu hætti dómari leiksins hins vegar við að dæma brot.

Staðan í hálfleik 0-2 og leikmenn Milan stálheppnir.

Milan komst í tvígang nálægt því að jafna í seinni hálfleik og hefði Inter getað skorað þriðja mark sitt einnig.

Meira var hins vegar ekki skorað og staðan fyrir seinni leik liðanna á þriðjudag 2-0 Inter í vil.

Sigurvegarinn úr þessu einvígi mætir Manchester City eða Real Madrid. Liðin gerðu 1-1 jafntefli í fyrri leik sínum í Madríd í gær. Seinni leikurinn fer fram eftir slétta viku.