inter-tyllir-ser-a-toppinn

Inter tyllir sér á toppinn

Fótbolti

Arnar Geir Halldórsson skrifar

Sanchez gulltryggði sigurinn.
Sanchez gulltryggði sigurinn. vísir/getty

Inter Milan vann öruggan sigur á Spezia í fyrri leik dagsins í ítalska boltanum. 

Liðin eru að berjast á sitthvorum enda töflunnar og kom getumunurinn berlega í ljós þegar leið á leikinn en það var króatíski miðjumaðurinn Marcelo Brozovic sem opnaði markareikninginn fyrir Inter eftir hálftíma leik.

Lautaro Martinez tvöfaldaði forystuna á 73.mínútu en heimamenn voru þó ekki á þeim buxunum að gefast upp því Giulio Maggiore minnkaði muninn á 88.mínútu.

Í uppbótartíma sá Alexis Sanchez þó til þess að Inter færi með sigur af hólmi þegar hann gerði þriðja mark Inter og innsiglaði 1-3 sigur gestanna.

Inter hefur nú eins stigs forystu á nágranna sína í AC Milan sem geta þó endurheimt toppsætið með sigri á Genoa í kvöld.




Fleiri fréttir

Sjá meira


Posted

in

,

by

Tags: