8 C
Grindavik
15. apríl, 2021

Ís­land endar árið í 46. sæti FIFA-listans | Belgía á toppnum

Skyldulesning

FIFA birti í dag uppfærðan heimslista, þann síðasta fyrir árið 2020. Ísland er í 46. sæti, Belgía endar þriðja árið í röð á toppi listans og Ungverjaland er sú þjóð sem stökk hvað hæst upp listann á árinu 2020.

Árið var að sjálfsögðu merkilegt fyrir margar sakir og í frétt á vef FIFA þar sem farið er yfir það helsta sem gerðist í ár er tekið fram að aðeins fóru 352 landsleikir fram á árinu 2020. Í fyrra voru þeir 1082 og þarf að fara aftur til 1987 til að finna ár þar sem færri landsleikir voru leiknir.

Belgía endar árið á toppi heimslistans líkt og undanfarin þrjú ár. Efstu fjögur lið listans halda öll sínum sætum en Portúgal stekkur hins vegar upp í fimmta sæti listans. Hér að neðan má sjá efstu tíu lið listans ásamt nokkrum vel völdum þjóðum.

Ungverjaland endar í 40. sæti okkur Íslendingum til mikils ama. Sigur þeirra gegn Íslandi í úrslitaleik um sæti á Evrópumótinu sumarið 2021 spilar þar stóran þátt en Ungverjar voru sú þjóð sem tók hvað stærst stökk upp á heimslistanum í ár.

Ungverjaland tapaði aðeins einum af þeim átta landsleikjum sem liðið lék í ár.

Þá er Ísland í 46. sæti listans. Hér að neðan má sjá efstu tíu lönd listans ásamt frændum vorum í Danmörku, Noregi, Svíþjóð og Færeyjum ásamt þeim liðum sem leika með Íslandi í undankeppni HM sem fram fer í Katar undir lok árs 2022.

Efstu tíu ásamt vel völdum þjóðum

1. Belgía

2. Frakkland

3. Brasilía

4. England

5. Portúgal

6. Spánn

7. Argentína

8. Úrúgvæ

9. Mexíkó

10. Ítalía

12. Danmörk

13. Þýskaland

20. Svíþjóð

37. Rúmenía

46. Ísland

65. Norður-Makedónía

99. Armenía

107. Færeyjar

181. Liechtenstein

Innlendar Fréttir