8.4 C
Grindavik
20. júní, 2021

Ísland sextánda besta lið heims

Skyldulesning

Fótbolti

Íslenska kvennalandsliðið fer upp um þrjú sæti á styrkleikalista FIFA.
Íslenska kvennalandsliðið fer upp um þrjú sæti á styrkleikalista FIFA.
vísir/vilhelm

Íslenska kvennalandsliðið í fótbolta er í 16. sæti á styrkleikalista FIFA sem var gefinn út í dag.

Ísland fer upp um þrjú sæti á styrkleikalistanum síðan hann var síðast gefinn út. Í lok árs 2020 er íslenska liðið því það sextánda besta í heimi og það tíunda besta í Evrópu.

Þetta er næstbesti árangur Íslands á styrkleikalistanum en íslenska liðið hefur hæst komist í 15. sæti hans.

Staða efstu átta liða er óbreytt frá því listinn var síðast gefinn út. Bandaríkin eru á toppi listans, Þýskaland í 2. sæti og Frakkland í því þriðja. Holland er í 4. sæti og Svíþjóð, sem var með Íslandi í riðli í undankeppni EM 2022, er í 5. sætinu á styrkleikalistanum.

Frá því styrkleikalistinn var síðast gefinn út, um miðjan ágúst, hefur Ísland leikið fimm leiki; unnið þrjá, gert eitt jafntefli og tapað einum.

Með þessum árangri tryggði Ísland sér sæti á EM 2022. Þetta er fjórða Evrópumótið sem íslenska liðið kemst á í röð.

Styrkleikalisti FIFA

  1. Bandaríkin
  2. Þýskaland
  3. Frakkland
  4. Holland
  5. Svíþjóð
  6. England
  7. Ástralía
  8. Brasilía
  9. Kanada
  10. Japan
  11. Noregur
  12. Spánn
  13. Ítalía
  14. Danmörk
  15. Kína
  16. Ísland
  17. Belgía
  18. Suður-Kórea
  19. Sviss
  20. Austurríki

spot_img
spot_img
spot_img

Innlendar Fréttir