3 C
Grindavik
8. maí, 2021

Íslensk erfðagreining verðlaunuð

Skyldulesning

Verðlaunaafhendingin fór fram við lokaða athöfn í Hörpu.

Verðlaunaafhendingin fór fram við lokaða athöfn í Hörpu.

Ljósmynd/Íslandsstofa

Íslensk erfðagreining hlaut í dag útflutningsverðlaun forseta Íslands fyrir árið 2020 en Kári Stefánsson, forstjóri fyrirtækisins, veitti verðlaununum viðtöku við lokaða athöfn í Hörpu.

Segir frá þessu í tilkynningu frá Íslandsstofu, sem veitir verðlaunin ár hvert til þess að vekja athygli á þjóðhagslegu mikilvægi gjaldeyrisöflunar og alþjóðlegra viðskipta og heiðra þá sem hafa náð sérstaklega góðum árangri í sölu og markaðssetningu á íslenskum vörum og þjónustu erlendis.

Þýðing lífvísindanna kom í ljós í faraldrinum

Segir í þar jafnframt að stofnun Íslenskrar erfðagreiningar marki ein þýðingarmestu tímamót í þróun líf- og heilsutækni í víðum skilningi. 

„Á síðustu árum hefur ný hugvitsgrein sprottið úr öflugu íslensku vísindasamfélagi og traustu heilbrigðiskerfi; líf- og heilsutækni í víðtækum skilningi. Fyrir utan efnahagslegt mikilvægi þessarar starfsemi fyrir þjóðarbúið og þau spennandi tækifæri sem hún skapar fyrir ungt og menntað fólk, hefur bein þýðing lífvísindanna fyrir líf og heill almennings komið berlega í ljós í yfirstandandi heimsfaraldri,“ sagði þar.

Áhrifin af tilkomu fyrirtækisins haf náð langt út fyrir eiginlega starfsemi þess enda hafi verið grunnur lagður að nýrri tegund alþjóðlegrar þekkingarstarfsemi hér á landi. „Til varð stærri og frjórri vettvangur vísindastarfs í atvinnulífinu sem laðaði bæði innlenda og erlenda sérfræðinga til landsins. Ófá íslensk fyrirtæki á þessu sviði má beinlínis rekja til þess jarðvegs sem hér varð til,“ segir í tilkynningunni. 

Hildur Guðnadóttir fékk heiðursviðurkenningu 

Við sama tilefni var Hildi Guðnadóttur, tónskáldi og tónlistarmanni, veitt heiðursviðurkenning fyrir störf sín á erlendri grundu. Með sköpun Hildar hafi orðspor hennar borist út um allan heim á undanförnum árum og hún hlotið verðskuldaðar viðurkenningar.

Hildur varð fyrst Íslendinga til þess að vinna til Óskarsverðlauna, á þessu ári, en áður hafði hún hlotið Emmy-verðlaun, Grammy verðlaun, Golden Globe og BAFTA verðlaunin. Hildur er að auki tilnefnd til tvennra Grammy-verðlauna sem verða afhent í janúar næstkomandi.

spot_img
spot_img
spot_img

Innlendar Fréttir