4 C
Grindavik
9. maí, 2021

Íslenski skipaflotinn í tölum

Skyldulesning

Samgöngustofa birti nýverið skipaskrá fyrir 2021. Samstening flotans hefur breyst á undanförnum árum.

mbl.is/Árni Sæberg

Samsetning íslenska skipaflotans hefur breyst á undanförnum árum og hefur átt sér stað töluverð endurnýjun í skipakosti þjóðarinnar. Meðalaldur íslenskra báta og skipa sem voru á skrá 1. janúar 2021 var þrátt fyrir mikla endurnýjun nokkuð hár eða 31,6 ár.

Heildarfjöldi skráðra báta og skipa var 3.807 hinn 1. janúar 2021 en var 3.951 sama dag árið 2016. Á sama tíma hafa brúttótonn flotans aukist úr 356.332 í 358.495. Þá sjást í skipaskránni einnig breytingar í samsetningu atvinnulífsins og má í því samhengi nefna að níu vinnuskip til að annast sjókvíar voru á skrá 2021 en ekkert árið 2016.

Fiskiskipum hefur einnig fækkað á tímabilinu og voru 1.565 slík á skrá við upphaf þessa árs en 1.667 fyrsta janúar 2016. Hlutfallslega fækkar frístundafiskiskipum mest eða 10,4%, einnig fækkar fiskiskipum 15 brúttótonnum og yfir um tæp 10%.

Þá fækkar fiskiskipum undir 15 brúttótonnum mest eða um 68 frá árinu 2016 til 2021. Ekkert nótaveiðiskip er á skrá við upphaf þessa árs.

Eins og undanfarin ár er Reykjavík sú höfn þar sem skráð eru flest skip við upphaf árs og eru þau 224. Næst á eftir Reykjavík er Akureyri með 121 og svo Stykkishólmur með 84. Akranes og Hafnarfjörður eru með jafn margar skráningar, 72.

spot_img
spot_img
spot_img

Innlendar Fréttir