2 C
Grindavik
9. mars, 2021

Íslensku CrossFit stelpurnar með hæsta hlutfallið í heiminum

Skyldulesning

Sara Sigmundsdóttir, Katrín Tanja Davíðsdóttir og Anníe Mist Þórisdóttir hafa allar komist ofar en einu sinni á verðlaunapall á heimsleikunum í CrossFit og bæði Katrín Tanja og Anníe Mist hafa tvisvar sinnum orðið heimsmeistarar.
Sara Sigmundsdóttir, Katrín Tanja Davíðsdóttir og Anníe Mist Þórisdóttir hafa allar komist ofar en einu sinni á verðlaunapall á heimsleikunum í CrossFit og bæði Katrín Tanja og Anníe Mist hafa tvisvar sinnum orðið heimsmeistarar.
Instagram/@anniethorisdottir

Það er mikill áhugi á CrossFit með íslenskra kvenna og nú er komið í ljós að hann er í raun einstakur í heiminum.

Tölur frá Wodanalytics sýna það að íslensku CrossFit stelpurnar voru með hæsta hlutfallið í heiminum þegar kom að þátttöku á síðustu heimsleikum í CrossFit.

Wodanalytics tók þessar tölur saman í tilefni af því að það eru 77 dagar í það að nýtt keppnistímabil í CrossFit hefjist með The Open 2021.

Íslenskar CrossFit konur voru nefnilega 53,1% af þeim sem tóku þátt í The Open 2020 á Íslandi. Þetta var hæsta hlutfallið í heiminum örlítið á undan Noregi(52.3%) og Finnlandi (51.0%).

Þessar þrjár Norðurlandaþjóðir voru þær einu þar sem konur voru í meirihluta hjá þátttakendum í opna hluta heimsleikanna.

Wodanalytics tók sérstaklega fyrir þær þjóðir sem voru inn á topp tuttugu yfir flesta þátttakendur á The Open árið 2020.

Það er svo sannarlega nóg af flottum fyrirmyndum þegar kemur að íslenskum CrossFit konum og það er enginn vafi að sú staðreynd á mikinn þátt í þessum tölum.

Anníe Mist Þórisdóttir, Katrín Tanja Davíðsdóttir og Sara Sigmundsdóttir hafa allar annaðhvort unnið heimsmeistaratitilinn eða komist á verðlaunapall og Þuríður Erla Helgadóttir endaði í níunda sæti á heimsleikunum í fyrra.

Ísland er á toppnum en á hinum endanum er Portúgal þar sem aðeins 24,6 prósent þátttakenda voru konur. Indland er í öðru sæti og Spánn í því þriðja. Aðeins 25,4 prósent þátttakenda frá Spáni voru konur.


Tengdar fréttir


Afi Katrínar Tönju Davíðsdóttur hefur komið bókinni „Dóttir“ yfir á íslensku fyrir þessi jól en þar fer dótturdóttir hans, Katrín Tanja, yfir CrossFit ferill sinn.


Sara Sigmundsdóttir ákvað að yfirgefa einn þekktasta íþróttavöruframleiðanda heims og semja í staðinn við eitt af nýju fyrirtækjunum á markaðnum.


Þjálfari Katrínar Tönju Davíðsdóttur var ekki í neinum vafa um hver var uppáhaldsæfingin hans var á nýloknum heimsleikum í CrossFit.


Katrín Tanja Davíðsdóttir átti svolítið erfitt með að finna réttu orðin eftir að hafa tryggt sér silfurverðlaun á heimsleikunum um helgina.


Katrín Tanja Davíðsdóttir vann að venju hug og hjörtu allra sem fylgdust með heimsleikunum um helgina og svo fór að hún var verðlaunuð sérstaklega fyrir einstaka framkomu sína.


Anníe Mist Þórisdóttur líkar ofboðslega vel við Eric Roza, manninn sem keypti CrossFit í sumar og fagnar því að fólk sé farið að vinna saman.


Anníe Mist Þórisdóttir segist aldrei hafa verið nærri því að hætta í miðri æfingu og í gær. Hún er hins vegar tilbúin að leggja ýmislegt á sig til að verða betri.




Fleiri fréttir

Sjá meira

Innlendar Fréttir