5 C
Grindavik
12. maí, 2021

Íþróttafólk með böggum hildar eftir tíðindi dagsins: NEEEEEEEEIIIIII

Skyldulesning

Sport

Stefán Arnarsson, þjálfari Fram, tjáði sig ekki um tíðindi dagsins en viðbrögð hans á myndinni eru lýsandi fyrir stemmninguna á Twitter.
Stefán Arnarsson, þjálfari Fram, tjáði sig ekki um tíðindi dagsins en viðbrögð hans á myndinni eru lýsandi fyrir stemmninguna á Twitter.
vísir/vilhelm

Hljóðið í íslensku íþróttafólki og íslenskum íþróttaunnendum á samfélagsmiðlum var vægast sagt þungt eftir tíðindi dagsins.

Meðal þeirra aðgerða sem gripið verður til að hefta útbreiðslu kórónuveirunnar er að banna íþróttaiðkun, bæði æfingar og keppni. Takmarkanirnar taka gildi á miðnætti og gilda næstu þrjár vikurnar, um allt land.

Viðbrögð stórskyttunnar Ragnheiðar Júlíusdóttur voru kannski lýsandi fyrir stemmninguna á Twitter eftir að tíðindin bárust.

Íþróttafréttamaðurinn gamalreyndi Guðjón Guðmundsson dró hvergi af í gagnrýni sinni á forystu íþróttahreyfingarinnar á Íslandi.

ÍSÍ er getulsust apparat. Komið þessu liði burt sem fyrst. Þetta er blautur klútúr. Þessi fundur sem nú er í boði er broslegur ekki síst hvað varðar bóluefni. Annars léttur.Eina.

— Guðjón Guðmundsson (@gaupinn) March 24, 2021

Arnar Guðjónsson, þjálfari Stjörnunnar í Domino’s deild karla, lét matreiðslumanninn skapstóra Gordon Ramsey um að túlka vonbrigði sín.

Damir Muminovic, varnarmaður Breiðabliks í Pepsi Max-deild karla, var líka greinilega ósáttur.

Þorgrímur Smári Ólafsson, leikmaður Fram í Olís-deild karla, sló á létta strengi enda ekki vanur að spila handbolta langt fram á vor.

Að fara í sumarfrí í handboltanum í enda mars er svo sem ekkert nýtt fyrir mér.

— Þorgrímur S Ólafsson (@ThorgrimurSmari) March 24, 2021

Björgvin Stefán Pétursson, leikmaður Leiknis F., sendi KSÍ væna pillu.

Nú krefst ég þess að KSÍ standi í lappirnar, annars er ég hættur amk. Það er ekki hægt að kveikja og slökkva endalaust á leikmönnum. Takk.

— Björgvin Stefán (@bjorgvinpeturs) March 24, 2021

Mosfellski línumaðurinn Einar Ingi Hrafnsson kom með tillögur um að loka landinu.

Hættið þessari þvælu! Stíga fyrr inn, stíga fastar til jarðar. Er einhver að kaupa þetta lengur? Lokið landinu og leyfið fólki að lifa lífinu.. Ef einhver verður að koma inn í landið þá fer sá hinn sami bara í sóttvarnarhús.

— Einar Ingi Hrafnsson (@einarhrafnsson) March 24, 2021

Hér fyrir neðan má sjá fleiri tíst sem birtust eftir að fréttir dagsins bárust.

Sorglegt að sjá ÍSÍ samþykkja það frá íslenskum stjórnvöldum að setja allt í lás aftur….undirstrikar það að fyrir þeim eru íþróttir á Íslandi ekkert nema hobbý! Engin virðing borin fyrir íþróttafólk og þeirri vinnu sem þetta er fyrir suma

— Guðlaugur Valgeirsson (@GulliValgeirs) March 24, 2021

Íþróttir bannaðar. Frábært.

— Jóhann Óli Eiðsson (@jedissson) March 24, 2021

Barir opnir en æfingar íþróttaliða bannaðar. Gaaaaa íþróttir eru það eina sem hafa haldið mér gangandi í gegnum þetta ógeð.

Drullisti bara til að bólusetja okkur og læsiði landinu þangað til. Jesús hvað ég er uppgefinn.

— Freyr S.N. (@fs3786) March 24, 2021

Illa vegið að sköllóttum íþróttaáhugamönnum að hársnyrtistofur séu opnar en íþróttir settar á ís.

— Árni Jóhannsson (@arnijo) March 24, 2021

spot_img
spot_img
spot_img

Innlendar Fréttir