2 C
Grindavik
28. nóvember, 2020

Jóla­skrauti stolið í Breið­holti og líkams­á­rás í Bú­staða­hverfi

Skyldulesning

Innlent

Jólaskrauti var stolið úr geymslum í Breiðholti í gær og þá var einn handtekinn vegna líkamsárásar í Bústaðahverfi.
Jólaskrauti var stolið úr geymslum í Breiðholti í gær og þá var einn handtekinn vegna líkamsárásar í Bústaðahverfi.
Vísir/Vilhelm

Upp úr klukkan 16 í gær var lögreglunni á höfuðborgarsvæðinu tilkynnt um innbrot í geymslur í fjölbýlishúsi í Breiðholti.

Að því er segir í dagbók lögreglu var jólaskrauti stolið úr geymslunum og skemmdir unnar á dyraumbúnaði.

Klukkan 16:40 var tilkynnt um innbrot í húsnæði í Hvaleyrarholti í Hafnarfirði en í gærkvöldi lá ekki fyrir hverju var stolið þar sem sá sem fyrir innbrotinu varð var enn að kanna það.

Lögreglu var síðan tilkynnt um líkamsárás í Bústaðahverfi um klukkan 17. Í dagbók lögreglu segir að einn hafi verið handtekinn á vettvangi. Var hann færður í fangageymslu. Sá sem ráðist var á hlaut minniháttar áverka.

Klukkan 22 í gærkvöldi kom kona á lögreglustöðina við Hlemm og tilkynnti um líkamsárás. Þolandi upplýsti hver meintur gerandi væri og telst málið að mestu leyti upplýst samkvæmt dagbók lögreglu.

Laust eftir miðnætti barst svo tilkynningu um að farsíma hefði verið stolið í hverfi 108. Maður fékk að nota farsíma til að hringja eitt símtal en gekk síðan burt með símann. Eigandi símans vissi ekki hvað maðurinn hét sem fékk að hringja hjá honum.

Þá var tilkynnt um eignaspjöll á veitingahúsi í Vesturbænum klukkan 03:44 í nótt. Var fyrst talið að innbrot væri í gangi þar sem rúða var brotin og öryggiskerfi fór í gang.

Klukkan 03:50 barst lögreglu tilkynning svo tilkynning um innbrot í hjólageymslu í hverfi 104. Var maður handtekinn á vettvangi og vistaður í fangageymslu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

Innlendar Fréttir