10.3 C
Grindavik
29. september, 2022

Jón Daði fór á kostum

Skyldulesning

Íþróttir | Enski boltinn | mbl | 19.2.2022 | 16:54 | Uppfært 18:31

Jón Daði Böðvarsson í baráttunni í dag.

Jón Daði Böðvarsson í baráttunni í dag. Ljósmynd/Bolton Wanderers

Bolton vann öruggan 4:0-heimasigur á AFC Wimbledon í ensku C-deildinni í fótbolta í dag.

Selfyssingurinn Jón Daði Böðvarsson átti afar góðan leik fyrir Bolton og skoraði fyrsta markið sitt fyrir félagið á 36. mínútu er hann kom Bolton yfir með skallamarki og var staðan í hálfleik 1:0.

Jón Daði var ekki hættur því hann lagði upp þriðja mark Bolton á 67. mínútu og fór svo af velli fjórum mínútum síðar. Jón Daði kom til Bolton frá Millwall í janúar. 

Bolton hefur verið á góðri siglingu síðustu vikur og er liðið í 10. sæti deildarinnar með 48 stig, sjö stigum frá sæti í umspili um þátttökurétt í B-deildinni á næstu leiktíð.

spot_img
spot_img
spot_img

Innlendar Fréttir