Gylfi Einarsson og Tómas Þór Þórðarson hrósuðu enska framherjanum Harry Kane í hástert eftir 2:0-sigur Tottenham á Arsenal í ensku úrvalsdeildinni í fótbolta í gærkvöld, en Kane skoraði seinna mark liðsins.
Markið var það áttunda sem Kane skorar í deildinni á leiktíðinni, en það var ekki aðeins markaskorunin sem heillaði Gylfa og Tómas þegar þeir ræddu framherjan í Vellinum á Símanum sport.
Kane varðist sömuleiðis afar vel og þá hefur hann lagt upp tíu mörk á leiktíðinni, fleiri en nokkur annar.
Innslagið um Kane má sjá í heild sinni hér fyrir ofan en mbl.is færir ykkur efni úr enska boltanum í samvinnu við Símann sport.
