0 C
Grindavik
20. janúar, 2021

Kínverjar vilja auka getu sína til að stjórna veðrinu

Skyldulesning

Kínversk stjórnvöld ætla að auka fjárfestingar sínar í tækni sem er hægt að nota til að stýra veðrinu. Þetta á að gagnast landinu öllu. Markmiðið er að efla núverandi áætlun og getu landsins til að framleiða snjóa og rigningu. Markmiðið er að kerfið nái til að minnsta kosti 5,5 milljóna ferkílómetra fyrir árið 2025.

Kínverska ríkisstjórnin skýrði frá þessu á miðvikudaginn. Hún segir að samkvæmt þeirri pólitísku stefnu sem hefur verið mörkuð eigi landið að geta stýrt veðrinu á „þróaðan“ hátt 2035. Þetta á að styrkja landsbyggðina, endurreisa vistkerfi og draga úr tjóni vegna náttúruhamfara.

Kínverjar hafa reglulega notað tækni, sem getur haft áhrif á veður, til að draga úr áhrifum þurrka eða til að hreinsa mengun úr lofti, til dæmis fyrir stóra alþjóðlega viðburði. Þeir hafa til dæmis sprautað efnum í ský til að koma rigningu af stað, rigningu sem hefði annars ekki orðið.

Kerfi, til að sprauta efnum í ský, hefur verið reist víð Tíbesku hásléttuna í norðvesturhluta landsins til að reyna að auka úrkomuna á svæðinu. Þar eru mestu ferskvatnsbirgðir Asíu.

Innlendar Fréttir