2.3 C
Grindavik
27. nóvember, 2021

Kolbeinn leitar að nýju félagi – Samkomulag um að rifta samningi hans í Svíþjóð

Skyldulesning

Kolbeinn Sigþórsson mun yfirgefa herbúðir AIK eftir tímabilið í Svíþjóð. Frá þessu greinir Expressen þar í landi.

Þar segir að AIK og Kolbeinn hafi komist að samkomulagi um að rifta samningi íslenska framherjans sem átti að gilda út næstu leiktíð.

Ein umferð er eftir í sænsku úrvalsdeildinni en Kolbeinn lék tæpan hálftíma í tapi AIK gegn Kalmar í sænsku úrvalsdeildinni.

Kolbeinn mun því kveðja félagið eftir síðustu umferðina en hann er að ljúka sínu öðru tímabili hjá félaginu. Kolbeinn kom á frjálsri sölu frá Nantes og hefur ekki fundið sitt besta form í Svíþjóð.

Kolbeinn er þrítugur en hann er markahæsti leikmaður í sögu íslenska landsliðsins ásamt Eiði Smára Guðjohnsen. Hann þarf nú að finna sér nýtt félag en hann hefur í atvinnumennsku verið á mála hjá AZ Alkmaar, Ajax, Nantes, Galatasaray og nú AIK.

spot_img
spot_img
spot_img

Innlendar Fréttir