7.4 C
Grindavik
23. júní, 2021

Konan sem uppljóstraði um framhjáhald í Reykjavík Síðdegis fræg á ný – „Klárlega í topp 5“

Skyldulesning

Kona hringdi í Reykjavík síðdegis til að tjá sig um málefni öryrkja og endaði með að upplýsa hlustendur um bólfarir mannsins síns með geðhjúkrunarfræðingi á Landspítalanum.

Símtalið var 12. desember 2007 og vakti gríðarlega athygli á sínum tíma. Upptaka gekk mannanna á milli og var til umræðu á kaffistofum landsins. Símtalið virðist vera að vekja lukku meðal landsmanna á ný og er í mikilli dreifingu á samfélagsmiðlum.

„Svo ætla ég að skila kveðju til geðhjúkrunarfræðings á Landspítalanum sem er farin að ríða karlinum mínum og búin að eyðileggja allt fyrir mér. Eyðileggja líf mitt,“ segir konan.

Hlustaðu á upptökuna hér að neðan.


„Maður hefur lent í ýmsu í þessu starfi en þetta er klárlega á topp fimm,“ segir útvarpsstjarnan Kristófer Helgason í samtali við blaðamann DV í dag. Kristófer er einn þriggja stjórnenda hins vinsæla útvarpsþáttar Reykjavík Síðdegis.

„Við vorum einmitt að rifja þetta upp um daginn á skrifstofunni og því er það skondið að þetta dúkki aftur upp núna. Ég hef ekki hugmynd hvernig þetta komst aftur á flug,“ segir Kristófer sem sjálfur hefur fengið upptökuna senda í morgun.

„Mér brá nú í samtalinu upphaflega. Þetta kom bara allt í einu þarna í lokinn,“ segir Kristófer og hlær. Hann segir símtalið ekki hafa haft neina eftirmála. „Hún hringdi aldrei aftur.“

Listmálari úr Breiðholtinu

Nokkrum vikum eftir símtalið tjáði konan sig um málið í viðtali á Vísi og þakkaði meðal annars fyrir titillinn „Símtal ársins á Bylgjunni.“ Konan kvaðst vera 51 árs listmálari sem bjó í Breiðholtinu. Hún lýsti geðhjúkrunarfræðingnum sem var að sofa hjá manninum sínum og sagði hana búa í miðbænum, vera ljóshærða og 177 cm á hæð.

„Hún er víst alveg hrikalega geðvond og er að reyna að sálgreina manninn minn. Hann býr núna hjá henni en er að sofa hjá mér,“ sagði hún og bætti við að hún ætlaði sér að reyna að vinna hann til baka „enda er þetta góður maður“.

Ekki er vitað um afdrif konunnar og hvort að parið hafi tekið saman á ný og skilið geðhjúkrunarfræðinginn einan eftir með sárt ennið.

spot_img
spot_img
spot_img

Innlendar Fréttir