5 C
Grindavik
8. mars, 2021

Kraftur settur í hafnarframkvæmdir

Skyldulesning

Endurbyggja á stálþil á Djúpavogi m.a. vegna fiskeldis.

Í ár verður 1,6 milljarði króna varið til hafnaframkvæmda og 1,2 milljarðar eru settir í hafnir í fjárlagafrumvarpi fyrir árið 2021. Alls sé áætlað að verja tæpum sjö milljörðum króna á sex ára tímabili frá 2020-2025.

Þetta kemur fram á vef Stjórnarráðsins.

Sigurður Ingi Jóhannsson, samgöngu- og sveitarstjórnarráðherra, sagði í ávarpi á ársþingi Hafnasambandsins, að hafnir væru afar mikilvægar atvinnulífi og efnahag landsins enda fari langstærsti hluti innflutnings og útflutnings um hafnir.

„Mikilvægi hafna fyrir nýtingu sjávarauðlinda, millilandaviðskipti Íslands og ferðaþjónustu verður seint ofmetið. Þjónusta þeirra eru á margan hátt ómissandi hlekkur í að viðhalda og bæta lífskjör á Íslandi,“ sagði Sigurður Ingi.

Ráðherra sagði að ýmis stór verkefni væru á teikniborðinu. Vegagerðin ynni að rannsóknum og undirbúningi mikilvægra framkvæmda sem eru til þess fallin að styrkja atvinnulíf og leiða til atvinnusköpunar í viðkomandi byggðalögum. Meðal slíkra verkefna væru nýr hafnarkantur við Sundabakka á Ísafirði, lenging Norðurgarðs á Grundarfirði, endurbygging stálþils á Djúpavogi m.a. vegna fiskeldis og endurbygging Bjólfsbakka á Seyðisfirði.

Innlendar Fréttir