4 C
Grindavik
9. maí, 2021

Kristinn í steinbítsmoki út af Blakknesi

Skyldulesning

200 mílur

| mbl
| 14.4.2021
| 15:34

Steinbíti landað úr Kristni HU í Ólafsvík í gærkvöldi. Áhöfnin lenti í mokveiði út af Vestfjörðum.

mbl.is/Alfons

Línubáturinn Kristinn HU sem rær frá Ólafsvík lenti heldur betur í steinbítsmoki út af Blakknesi á Vestfjörðum og náði 29 tonnum með 60 bölum eða ríflega 480 kílóum á bala. Aflanum var landað í Ólafsvík í gærkvöldi.

Bárður Guðmundsson útgerðarmaður segir Kristin hafa verið ásamt öðrum bátum út af Látrabjargi en aflinn hafi minnkað hjá þeim og var ákveðið að prófa nýjan stað sem er um 60 mílur frá Ólafsvík. Bar það augljóslega góðan árangur, segir Bárður skælbrosandi.

Allur afli fór á markað þar sem mikið framboð er af steinbíti og hefur því verð farið hríðlækkandi. Bárður segir aðeins hafa fengist 115 krónur fyrir kílóið af slægðum steinbít.

Kristinn HU hélt að löndun lokinni beint til veiða á ný á sama stað og þessi mikli afli fékkst.

spot_img
spot_img
spot_img

Innlendar Fréttir