4.3 C
Grindavik
16. október, 2021

Kröfðust þess að Sölvi myndi eyða út þættinum en vildu alls ekki skoða öryggismyndavélar

Skyldulesning

Sölvi Tryggvason segir frá því í nýjasta hlaðvarpsþætti sínum að enska knattspyrnusambandið hafi haft samband við sig eftir að hann tók viðtal við stúlkurnar tvær sem heimsóttu Hótel Sögu í september þar sem enska landsliðið dvaldi.

Í viðtalinu sögðu Nadía Sif Gunnarsdóttir og Lára Clausen að Gareth Southgate þjálfari enska landsliðsins hefði mætt á herbergi þeirra eftir nóttina örlagaríku. Stúlkurnar höfðu þar hitt Phil Foden og Mason Greenwood sem brutu þar með sóttvarnarreglur vegna COVID-19. Drengirnir höfðu yfirgefið herbergið hjá stúlkunum þegar bankað var á dyr þeirra. „Það hefur aldrei verið bankað jafn fast á hurðina mína,“ segir Nadía í viðtalinu við Sölva.

„Þá var þetta Southgate, ég hafði ekki hugmynd um hver Southgate væri fyrr en ég gúglaði hann. Ég man það alveg í dag, þeir voru í æfingagalla. Hann stendur með krosslagðar hendur. Svo er annar eldri karl og kona frá Securitas. Þau rjúka inn og spyrja hvar strákarnir eru.“

Sölvi Tryggvason

Sölvi vildi skoða upptökur en þá kom annað hljóð í enska:

Enska knattspyrnusambandið hafði ítrekað samband við Sölva eftir viðtalið við stelpurnar og krafðist þess að viðtalið yrði tekið út. Það væri hrein og klár lygi að Southgate hefði komið á herbergi þeirra. „Ég fékk í viðtal hérna Nadíu Sif og Láru sem fóru heim með enskum landsliðsmönnum. Enska knattspyrnusambandið sendi mér tölvupóst og PR fulltrúinn hringdi í mig þrisvar. Þeir kröfðust þess eiginlega að ég tæki þáttinn út, vegna þess að þær sögðu að Gareth Southgate hefði stormað inn á herbergið þeirra um morguninn, þá hefði hann átt að fara í sóttkví,“ sagði Sölvi í nýjasta þætti sínum.

Enska sambandið lagði þunga áherslu á að Sölvi tæki þáttinn út. „The Sun gerði frétt um þetta, þær halda því fram að þetta hafi verið Gareth Southgate. Enska knattspyrnusambandið hefur ekki sýnt fram á það að þetta hafi ekki verið hann, það ætti að vera nokkuð auðvelt fyrir þá með því að birta mynd af þeim aðila sem kom á herbergið.“

Þegar Sölvi sagðist geta reynt að skoða öryggismyndavélar á Hótel Sögu kom annað hljóð í enska. „Um leið og ég sagði að ég gæti mögulega tékkað á öryggismyndavélunum þarna á Hótel Sögu, þeim lest ekkert á það. Rosalega auðvelt að segja að þetta séu slúðurfréttir.“

Enski boltinn á 433 er í boði

spot_img
spot_img
spot_img

Innlendar Fréttir