Fjármálaeftirlitið hefur tekið söluna á Íslandsbanka til skoðunar. Viðskiptaráðherra segir óeiningu hafa verið í ríkisstjórn um framkvæmdina en það var hvergi fært til bókar að sögn forsætisráðherra. Þingmaður stjórnarandstöðunnar segir krísuástand í ríkisstjórn. Fjallað verður nánar um málið í kvöldfréttum Stöðvar 2.
Það gustar um ríkisstjórnina þessa dagana en innviðaráðherra hefur verið kærður til forsætisnefndar Alþingis vegna meintra brota á siðareglum þingsins með ummælum sem hann lét falla á Búnaðarþingi. Við verðum í beinni útsendingu frá Alþingi með nefndarmanni forsætisnefndar.
Þá fylgjumst við með heræfingu sem fór fram í Hvalfirðinum í dag, förum yfir stöðuna í Úkraínu og skoðum nýjan burstabæ á Selfossi.
Þetta og margt fleira á samtengdum rásum Bylgjunnar og Stöðvar 2 klukkan 18:30.
