7.3 C
Grindavik
20. september, 2021

Læknir Maradona í áfalli vegna rannsóknar lögreglu: „Mér líður hræðilega“

Skyldulesning

Talibana siglingaklúbburinn

Vestmannaeyjur?

Kvótann heim

Leopoldo Luque, læknir Diego Maradona, hefur stöðu grunaðs manns í rannsókn sem nú er farin af stað vegna andláts Maradona.

Húsleit var gerð á heimili og skrifstofu Leopoldo í gær. Farið var í húsleitirnar eftir að dætur Maradona kröfðust þess að fá að vita hvaða lyfjum föður þeirra hafði verið ávísað. 30 lögreglumenn tóku þátt í húsleitinni þar sem lagt var upp með að komast yfir sjúkraskýrslur Maradona.

Leopoldo Luque hefur starfað sem einkalæknir hans en ekki er langt síðan Maradona gekkst undir aðgerð vegna heilablóðfalls. Luque er nú grunaður um vanrækslu í starfi og manndráp af gáleysi.

Leopoldo Luque og Maradona

Fyrr í vikunni hafði lögfræðingur Maradona, Martias Morla, krafist rannsóknar á dauðsfalli Maradona. Ástæðan fyrir því hafi meðal annars verið sú að hann hafði ekki fengið læknisskoðun í yfir 12 klukkutíma áður en hann lést.

Læknirinn kveðst hins vegar saklaus. „Ég gerði alltaf mitt besta fyrir vin minn,“ sagði Luque eftir að lögreglan hafði leitað á heimili hans.

„Ég var í áfalli þegar lögreglan kom heim til mín, ég mun aðstoða þá eins og ég get. Ég veit hvað ég gerði, ég gerði allt fyrir Diego fram á síðustu stundu. Ég gerði mitt besta.“

„Mér líður hræðilega, vinur minn lét lífið. Ég kenni mér ekki um neitt, þetta er mjög ósanngjarnt.“

spot_img
spot_img
spot_img

Innlendar Fréttir