Fótbolti
Arnar Geir Halldórsson skrifar
vísir/daníel
Lærisveinar Ólafs Kristjánssonar í Esbjerg unnu í dag sinn áttunda deildarleik í röð.
Esbjerg heimsótti þá Hvidovre en liðin leika í dönsku B-deildinni í fótbolta. Eina mark leiksins var skorað á 22.mínútu og var Joni Kauko þar að verki.
Með sigrinum fór Esbjerg upp að hlið Viborg á toppi deildarinnar og nokkuð ljóst að Esbjerg er á leið í umspil um sæti í efstu deild en sex umferðum er ólokið af deildarkeppninni.
Andri Rúnar Bjarnason var ekki í leikmannahópi Esbjerg.
