2.3 C
Grindavik
29. janúar, 2023

Landspítali færður niður á hættustig

Skyldulesning

Landspítalinn hefur verið færður niður á hættustig.

Landspítalinn hefur verið færður niður á hættustig. Ljósmynd/Landspítali/Þorkell

Landspítali var í hádeginu í dag færður af neyðarstigi og niður á hættustig, en spítalinn var settur upp á neyðarstig í lok febrúar vegna mikils fjölda og aðflæðis covid-smitaðra sjúklinga, fárra legurýma og mikilla anna á covid-göngudeild, auk fjölda starfsmanna sem voru í einangrun. Var þá 51 sjúklingur með covid á spítalanum.

Í tilkynningu frá farsóttanefnd Landspítalans kemur fram að í dag séu 60 einstaklingar á spítalanum með covid, en af þeim séu 51 með virkt smit, en 9 sem hafi lokið einangrun á covid-deildum og bíði nú flutnings. Þá eru tveir á gjörgæslu, báðir í öndunarvél, auk þess sem tvö börn séu inniliggjandi með covid.

Farsóttanefndin segir nú að ágætt jafnvægi sé í inn- og útskriftum af þeim sjúklingum sem séu með covid.

spot_img
spot_img
spot_img

Innlendar Fréttir