10.3 C
Grindavik
16. september, 2021

Lars Lagerbäck búinn að koma Noregi upp fyrir Ísland í fyrsta sinn

Skyldulesning

Markaðsverð á orku segir ESB

Hálfur september

Björn Bjarnason á ferð

Fótbolti

Lars Lagerback léttur á blaðamannafundi.
Lars Lagerback léttur á blaðamannafundi.
EPA-EFE/Manuel Bruque

Norska karlalandsliðið í knattspyrnu er komið fyrir ofan íslenska landsliðið á Styrkleikalista Alþjóða knattspyrnusambandsins.

Nýr FIFA-listi var gefinn út morgun og þar er íslenska landsliðið í 46. sæti eða sjö sætum neðar en á síðasta lista.

Norðmenn lækka sig líka en aðeins um eitt sæti og þeir eru því komnir upp fyrir Ísland og í 44. sæti. Leikurinn sem var dæmdur tapaður hafði þar örugglega talsverð áhrif því annars hefðu þeir líklega farið upp í 41. sætið.

Þetta er í fyrsta sinn sem norska landsliðið er fyrir ofan það íslenska síðan að Lars Lagerbäck gerðist landsliðsþjálfari Norðmanna.

Lars Lagerbäck tók við norska landsliðinu í febrúar 2017 og stýrði liðinu í fyrsta sinn í lok mars saman ár. Þá var norska landsliðið í 81. sæti FIFA-listans en íslenska landsliðið í 20. sæti eða 61 sæti ofar.

Nú næstum því fjórum árum seinna er Lars Lagerbäck og lærisveinar hans í norska landsliðinu búnir að vinna upp þennan rúmlega sextíu sæta mun.

Lars Lagerbäck tók við íslenska landsliðinu í árslok 2011. Liðið fór neðst í 131. sæti á FIFA-listanum sumarið 2012 en hann skildi við liðið í 22. sæti eftir EM í Frakklandi sumarið 2016.

Lars Lagerbäck og FIFA-listinn


Ísland

  • Tók við í október 2011: 108. sæti
  • Hætti í júlí 2016: 22. sæti
  • Breyting: Upp um 86 sæti


Noregur

  • Tók við í febrúar 2017: 81. sæti
  • Staðan í dag: 44. sæti
  • Breyting: Upp um 37 sæti


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

spot_img
spot_img
spot_img

Innlendar Fréttir