8 C
Grindavik
9. maí, 2021

Lars Lagerback hættur með Noreg – Gæti hann tekið við Íslandi?

Skyldulesning

Lars Lagerback hefur látið af störfum sem þjálfari Noregs en frá þessu greinir norska sambandið nú rétt í þessu. Stale Solbakken hefur verið ráðinn í hans starf.

Lagerback mistókst að koma Noregi inn á Evrópumótið og þá hafa verið læti í kringum hann eftir deilur við framherja liðsins.

Lagerback stýrði Íslandi ásamt Heimi Hallgrímssyni frá 2012 til ársins 2016. Hann náði frábærum árangri með Ísland.

Starfið hjá Íslandi er laust um þessar mundir og hafa margir verið orðaðir við starfið, óvíst er hvort KSÍ muni hafa samband við Lagerback og bjóða honum starfið.

Lagerback tók við norska landsliðinu árið 2017 eftir að hafa tekið sér stutt frí frá fótboltanum eftir starfið á Íslandi. Lagerback er 72 ára gamall og hefur gríðarlega reynslu í þjálfun.

Ísland leitar að nýjum þjálfara fyrir karlalið sitt eftir að Erik Hamren lét af störfum, Arnar Þór Viðarsson hefur mest verið orðaður við starfið. Guðni Bergsson formaður KSÍ sagði frá því í gær að sambandið ætti í samtali við íslenska og erlenda þjálfara.

spot_img
spot_img
spot_img

Innlendar Fréttir