0 C
Grindavik
25. nóvember, 2020

Leik hjá stelpunum okkar frestað þangað til í mars

Skyldulesning

Handbolti

Steinunn Björnsdóttir, leikmaður Fram, í leik með íslenska landsliðinu gegn Frakklandi.
Steinunn Björnsdóttir, leikmaður Fram, í leik með íslenska landsliðinu gegn Frakklandi.
Vísir/Bára

Leik Íslands og Norður-Makedóníu í forkeppni HM í handbolta sem átti að fara fram í desember hefur verið frestað þangað til í mars.

Þetta kemur fram í tilkynningu frá HSÍ.

„Rétt í þessu tilkynnti skrifstofa EHF um frestun á öllum riðlum í forkeppni HM kvenna en stelpurnar okkar áttu að leika í Makedóníu í byrjun desember,“ segir í tilkynningunni.

Sagt er að helstu ástæðurnar séu kórónufaraldurinn og hversu erfiðar flugsamgöngur eru þessa stundina.

„Undirbúningur er erfiður þar sem reglur um æfingar og keppni eru mismunandi á milli landa og auk þess er mikil áhætta er í því fólgin að fá allt að 100 manns víðsvegar úr Evrópu á sama staðinn og viðhalda þar sóttvörnum. Þá er alltaf hætta á frestun vegna smita sem greinast á leikstað,“ segir einnig í tilkynningunni.

Ísland er í riðli með N-Makedóníu, Grikklandi og Litáen. Áætlað er að leikirnir fari fram 17.-19. mars 2021.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

Innlendar Fréttir