6.3 C
Grindavik
23. september, 2021

Leikur Blika og FH stoppaður – Kallað á lækni úr stúkunni

Skyldulesning

Nú er í gangi leikur Breiðabliks og FH í Pepsi-Max deild karla. Blikar eru 2-0 yfir í leiknum, Kristinn Steindórsson skoraði fyrra markið á 19. mínútu og Jason Daði tvöfaldaði forystuna fjórum mínútum síðar.

Eftir um hálftíma leik var Jason Daði að skokka til baka þar til hann stoppaði og leit út fyrir að vera að missa andann eða með einhvers konar verk yfir brjóstkassanum. Hann lagðist þá niður og inn hljópu vallarstarfsmenn með börur.

Stuttu seinna var óskað eftir lækni úr stúkunni. Hann fékk einhvers konar aðhlynningu á vellinum og var svo borinn af velli. Ekki liggur fyrir hvað amar að Jasoni Daða en vonandi er það ekki alvarlegt. Við sendum honum baráttukveðjur.

Það muna auðvitað flestir eftir hræðilegu atviki sem gerðist í leik Dana og Finna á Evrópumótinu í knattspyrnu þegar Eriksen féll niður og reyndist fara í hjartastopp.

spot_img
spot_img
spot_img

Innlendar Fréttir