1.3 C
Grindavik
6. febrúar, 2023

Líkams­á­rás í Kópa­vogi eld­snemma í morgun

Skyldulesning

Töluverður erill var hjá lögreglu í dag, til að mynda var tilkynnt um líkamsárás í Kópavogi klukkan fimm í morgun. Árásarþoli var fluttur á bráðamóttöku.

Árásarmaðurinn var handtekinn og hefur verið vistaður í fangageymslu fyrir rannsókn málsins. Ekkert er vitað um líðan árásarþola, að því er segir í dagbók lögreglunnar á höfuðborgarsvæðinu.

Töluvert hefur verið um ölvunar- og fíkniefnaakstur í dag. Þannig var ökumaður, til dæmis, stöðvaður eftir að hafa ekið bifreið sinni utan vegar og á reiðstígum í Grafarholti. Sá var grunaður um akstur bifreiðar undir áhrifum áfengis og fíkniefna.

Það var annar ökumaður tveggja bifreiða sem skullu saman í Höfðahverfi rétt fyrir hádegi í dag einnig. Flytja þurfti báðar bifreiðar af vettvangi með króki.

Alls voru sjö ökumenn stöðvaðir grunaðir um akstur undir áhrifum í dag.

spot_img
spot_img
spot_img

Innlendar Fréttir