8 C
Grindavik
15. apríl, 2021

Lítill áhugi og rýr eftirtekja af veiðum á álum

Skyldulesning

Áll er um margt sérstakur fiskur, en er víða vinsæll til matar.

Ljósmynd/Wikipedia

Reglugerð um bann við álaveiði var sett 2019, en takmörkuð veiði til eigin neyslu er leyfð. Leyfi til veiðanna hafa verið auglýst síðustu tvö ár og hefur Fiskistofa nú auglýst álaveiðileyfi í þriðja sinn.

Árið 2019 var eitt leyfi veitt og tveir álar veiddir, en í fyrra var ekkert leyfi veitt til álaveiða. Árin 2015-2019 voru 0-6 álar skráðir árlega.

Í auglýsingu Fiskistofu kemur fram að ef áll veiðist í lax- eða silungsveiði sé skylt að sleppa honum. Öll sala og markaðsfærsla á íslenskum ál og álaafurðum er bönnuð.

Fiskistofa getur veitt leyfi til takmarkaðra veiða á ál til eigin neyslu þar sem veiðar hafa verið eða verða stundaðar sem búsílag. Leyfi eru bundin því skilyrði að allur afli sé skráður og Fiskistofu verði sendar árlega skýrslur um sókn og afla. Umsóknarfrestur er til og með 1. apríl.

Innlendar Fréttir