3 C
Grindavik
8. maí, 2021

Lögreglan hefur verið kölluð að heimili Harry og Meghan níu sinnum á níu mánuðum

Skyldulesning

Lífið er aldeilis ekki alltaf dans á rósum og á það einnig við um þau Harry Bretaprins og Meghan Markle. Þau fluttu til Kaliforníu-fylkis fyrir níu mánuðum síðan og hefur lögreglan þurft að koma heim til þeirra að jafnaði einu sinni í mánuði meðan þau hafa búið þar.

Samkvæmt gögnum frá lögreglunni í Santa Barbara hefur öryggiskerfi þeirra hjóna farið átta sinnum í gang vegna gruns um innbrot og einu sinni hafa þau sjálf þurft að kalla eftir lögregluaðstoð vegna fólks á eign þeirra í leyfisleysi.

Að minnsta kosti einu sinni hefur innbrotsþjófur verið gómaður af lögreglu en Nickolas Brooks var handtekinn fyrir að ráfa inn á lóð þeirra. Hann var undir áhrifum eiturlyfja þegar braut sér leið þangað inn.

Um leið og þau hjónin sögðu sig úr bresku konungsfjölskyldunni misstu þau öll forréttindi sem því fylgdi, þar á meðal öryggisgæslu. Það kom þeim á óvart að konungsfjölskyldan skyldi hætta að greiða hana enda var Harry fæddur í fjölskylduna og erfði hættuna sem því fylgdi. Þau hafa því þurft að greiða sjálf úr eigin vasa fyrir öryggisgæslu og eru alls ekki sátt með það.

spot_img
spot_img
spot_img

Innlendar Fréttir