3 C
Grindavik
28. febrúar, 2021

Lögreglan mætti á Kársnesið vegna slagsmála – Ekki var allt sem sýndist

Skyldulesning

Um miðjan dag í gær fékk lögreglan á höfuðborgarsvæðinu tilkynning frá íbúa á Kársnesinu í Kópavogi. Íbúinn hringdi til að tilkynna um eitthvað athugavert við Kársnesbryggju en svo virtist vera sem um slagsmál væri að ræða.

Lögreglan tók kallinu að sjálfsögðu alvarlega og mætti á vettvanginn. Þá kom þó í ljós að ekki var allt sem sýndist, ekki var um að ræða alvöru slagsmál, einungis slagsmál í plati. Það voru nefnilega engir harðsvíraðir ofbeldismenn á ferðinni þarna heldur var um að ræða leiklistarnemendur við Menntaskólann í Hamrahlíð.

Nemendunum brá þegar þeir heyrðu lögregluna nálgast óðfluga með sírenurnar á fullu. Ólafur Guðmundsson, leikari og leiklistarkennari, ræddi við Fréttablaðið sem greindi frá málinu. Hann sagði að krakkarnir hafi verið að taka upp atriði í stuttmynd.

Lögreglunni á höfuðborgarsvæðinu barst tilkynning frá íbúa á Kársnesinu í Kópavogi um miðjan dag í gær, um að eitthvað athugavert væri í gangi við Kársnesbryggju. „Við lékum greinilega svo vel að það hefur einhver haldið að þetta væri í alvörunni,“ sagði Ólafur.

Fljótlega eftir að lögreglan mætti á svæðið var það ljóst að ekki væri um alvöru slagsmál að ræða. „Nemendurnir fengu smá sjokk fyrst þegar þeir sáu sírenurnar en þótti þetta svo bara spennandi,“ segir Ólafur.

Innlendar Fréttir