Newcastle er í þrettánda sæti ensku úrvalsdeildarinnar.
AFP
Jamaal Lascelles og Allan Saint-Maximin, lykilmenn enska knattspyrnufélagsins Newcastle, eru ennþá smitaðir af kórónuveirunni en þetta staðfesti félagið um helgina.
Þeir voru báðir fjarverandi þegar Newcastle gerði 1:1-jafntefli við Fulham á heimavelli en hópsmit kom upp hjá Newcastle í byrjun desembermánaðar.
Leik Newcastle gegn Aston Villa í Birmingham var þar af leiðandi frestað en alls greindust átta starfsmenn innan félagsins með veiruna og var æfingasvæði félagsins meðal annars skellt í lás vegna smitanna.
Lascelles er fyrirliði liðsins og Saint-Maximin eru algjör lykilmaður í sóknarleik liðsins.
Newcastle er með 18 stig í tólfta sæti ensku úrvalsdeildarinnar eftir þrettán spilaða leiki en liðið heimsækir Manchester City 26. desember næstkomandi.
